काठमाडौं । जापानकी विदेशमन्त्री कामिकावा योको काठमाडौं आइपुग्नुभएकाे छ । एक दिने नेपाल भ्रमणमा आउनुभएकी उहाँ केही बेरअघि त्रिभुवन अन्तरार्ष्ट्रिय विमानस्थल अवतरण गर्नुभएकाे हाे।
उहाँलाई विमानस्थलमा परराष्ट्रमन्त्री नारायणकाजी श्रेष्ठलगायत परराष्ट्रका अधिकारीहरूले स्वागत गरेका छन्। उपप्रधान तथा परराष्ट्रमन्त्री श्रेष्ठको निमन्त्रणामा उहाँ नेपाल आउनुभएकाे हाे।
परराष्ट्र मन्त्रालयका अनुसार भ्रमणका क्रममा उहाँले राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’सँग शिष्टाचार भेट गर्नुहुनेछ । विदेशमन्त्री कामिकावाले आइतबार उपप्रधान तथा परराष्ट्र मन्त्री श्रेष्ठसँग पनि द्विपक्षीय भेटवार्ता गर्नुहुनेछ । उहाँ आजै फर्कने मन्त्रालयले जनाएको छ।