fbpx

प्रधानमन्त्रीलाई काँग्रेस नेता कोईरालाको प्रश्नः कति पटक विश्वासको मत लिनुहुन्छ ?

author

समाचारपाटी

४ हप्ता अगाडि

प्रमुख प्रतिपक्ष दल नेपाली काँग्रेसका नेता डा. शेखर कोईरालाले प्रधानमन्त्री पुष्पकमल दाहालले पटकपटक विश्वासको मत लिनुभएकोप्रति आपत्ति जनाउनुभएको छ ।


प्रधानमन्त्री पुष्पकमल दाहालले यही जेठ ७ गते चौथो पटक संसदमा विश्वासको मत लिने तयारी गरिरहेका बेला उहाँले त्यसप्रति आपत्ति जनाउनुभएको हो । नेता कोईरालाले प्रधानमन्त्री दाहाललाई कति पटक विश्वासको मत लिने ? भनि प्रश्न समेत गर्नुभयो । उहाँले प्रधानमन्त्री दाहाल आफैँलाई प्रधानमन्त्री के का भएको भन्ने जिज्ञासाको जवाफ नभएको जिकिर पनि गर्नुभयो । नेपाल लोकतान्त्रिक वैदेशिक रोजगार व्यवसायी एशोसिएशनले शनिबार काठमाडौंमा आयोजना गरेको एक कार्यक्रममा बोल्दै नेता कोईरालाले निर्वाचन प्रणालीकाकारण मुलुकमा राजनीतिक अस्थिरता भएकाले त्यसलाई परिवर्तन गरेर अघि बढने कुरामा ठूला दल काँग्रेस र एमाले मिलेर अघि बढ्नुपर्ने अडान समेत दोहो¥याउनु भयो । 
उहाँले भन्नुभयो, ‘राजनीतिक स्थिरता यो देशमा छैन । मैले अघि सभापतिजीलाई सोधेँ–के हुन्छ भोलि ? खै, के हुन्छ भनेर भन्नु भयो । मुलुकको राजनीतिक अवस्था त्यस्तो छ । अत्यन्त नाजुक अवस्थाबाट देश अगाडि बढिरहेको छ । राजनीतिक दलहरु को प्रधानमन्त्री हुनेमा नै सीमित भइरहनुभएको छ । मलाई त त्यही आभास हुन्छ । सबै राजनीतिक दलको नेतृत्व वर्गसँग कुरा गर्दाखेरी को प्रधानमन्त्री हुने, कसरी जाने सोच बनाएर अगाडि बढिरहनु भएको छ । के को लागि प्रधानमन्त्री बन्ने ? प्रधानमन्त्री बनेर गर्ने के ? भन्ने कुरा आज तपाईहरुले कसैलाई सोध्नुभयो ? प्रचण्डजीलाई नै गएर सोध्नुभयो भने पनि उहाँले पनि भन्नसक्ने अवस्था छैन । म यसो गर्छु, उसो गर्छु त भन्नुहुन्छ । तर उहाँलाई अहिले अप्ठ्यारो के परिराखेको छ भने ७ गते विश्वासको मत लिनुछ । कति चोटी विश्वासको मत लिनु हुन्छ ? सरकारमा प्रधानमन्त्री उहाँ नै हुनुहुन्छ । ३ चोटी त भईसक्यो । र यही तरिकाले सरकार चल्ने हो भने अझ २÷४ चोटी सरकार फेरिरहन्छ । र सरकार फेरीरहँदाखेरी पोलिसीहरु चेन्ज भईरहन्छ । अनि त्यसको मार तपाईहरु जस्तो व्यवसायीलाई पर्छ । त्यसैले राजनीतिक स्थायित्व हामीहरुले दिन सक्नुपर्दछ । राजनीतिक स्थायित्व दिन सकियो भने आर्थिक विकास बिस्तारैबिस्तारै हुँदै जान्छ । त्यसमा कसैले भनिरहनु पर्दैन । अलिकति हामीहरुले पोलिसीहरु चेन्ज गरिकन लगानीका लागि ऐनहरुलाई चेन्ज गरिदियौ भने हुन्छ । सुशासन छँदैछैन भन्ने कुरा पनि गर्नुभयो । पक्कै पनि हो । राजनीतिक स्थिरता नभई सुशासनको कल्पना गर्नु हुँदैन । सुशासनको कल्पना नै नगर्नुस् । सुशासन हुन्छ भनेर । राजनीतिक स्थिरता, आर्थिक विकास र सुशासन, पारदर्शिता यो सँगसँगै जाने कुरा हो । यो जानका लागि बाधक के छ त ? भन्दा हाम्रो संविधान नै बाधक हो कि भन्ने मलाई लाग्छ । संविधानले निर्वाचन प्रणाली यस्तो बनाई दिएको छ । कुनै पनि दलको बहुमत आउनै सक्दैन । सम्भव नै छैन निर्वाचन प्रणाली यस्तो बनाई दिएको छ । त के गर्नु ? निर्वाचन प्रणाली परिवर्तन गर्नुप¥यो । निर्वाचन प्रणाली परिवर्तन गर्न दुई तिहाई बहुमत चाहियो । दुई तिहाई बहुमत कसरी आउँछ ? हाम्रो संविधानमा निर्वाचन प्रणाली बाधक भएर बसेको छ जस्तो लाग्छ । यो मेरो विचार हो पर्शनल । त्यसका लागि दुई वटा ठूला दल एक ठाउँमा नउभिई दुई तिहाई बहुमत आउन सक्दैन अहिले । तर एउटा डर त छ । दुई वटा ठूलो दल एक ठाउँमा उभिदाखेरी के हुन्छ त भन्दा निरंकुशतातिर देश जान्छ कि भन्ने ठूलो डर छ मान्छेहरुमा र म मा पनि त्यो डर छ । हामी किन जाने, के का लागि ? किन सरकार परिवर्तन गर्ने ? संविधानमा केही सुधारहरु गर्नुपर्नेछ । त्यसका लागि सरकारमा जानुपर्छ भनेर पहिलो निर्णय गर्नु पर्छ । अनि के के मा सुधार गर्ने भन्ने छलफल भएपछि मात्रै सरकारमा जानुपर्छ । होइन भने हामी जानु हुँदैन त्यसरी । के को लागि जाने ? देखिरहनु भएको छ त प्रधानमन्त्री फटाफट चेन्ज हुनु भयो  । प्रधानमन्त्री उही हुनुहुन्छ । उहाँ भन्दा अघि हाम्रो शेरबहादुरजी नै प्रधानमन्त्री हुनुहुन्थ्यो । त्यो भन्दा पहिले ओलीजी प्रधानमन्त्री हुनुहुन्थ्यो । कसले के गर्नु भयो ? आज पनि त्यही गुनासो छ । गुनासो चेन्ज भएको छैन तपाईहरुको । त्यसकारण त्यो निर्वाचन प्रणालीलाई चेन्ज गर्ने हो र केही सुधारहरु गर्नुपर्ने छ भने त्यतातिर हामीहरुले ध्यान पु¥याउनुपर्ने मैले आवश्यक्ता देखेको छु । होइन भने देश यसैगरी चल्यो भने भयाबह स्थिति छ । यसलाई सुधार गर्न सकिदैन भन्ने होइन । नेपाललाई समुन्नत नेपाल, समृद्ध नेपाल हामी बनाउन सक्छौं । तपाईहरुले बनाउन सक्नु हुन्छ । हामीमा आँट, जोश, जाँगर छ । युवाहरु छन् । हामी सक्छौं । तर जसरी देशमा भ्रष्टाचारले जालो गाडेको छ । सुशासन छँदैछैन । यसरी देश अव अगाडि बढ्न सक्दैन । यी सब कुराहरुलाई ठिक पार्नका निम्ति, राजनीतिक स्थायित्व दिनका निम्ति हामीहरु एक ठाउँमा उभिनै पर्छ ।’


नेता कोईरालाले निर्वाचन प्रणालीमा सुधार गरेर अघि नबढ्ने हो भने मुलुकलाई बर्बाद हुनबाट कसैले पनि जोगाउन नसक्ने बताउनु भयो ।

—न्युज एजेन्सी नेपाल


काठमाडौं

शुक्रबार, असार १, २०८१

२६.१५°

विचार/विविधा

थप देखाउनुहोस्
विचार

खुट्टाको ३ औलाको सहयोगले लेख्ने प्रतिभावान् साहित्यकार झमक कुमारी घिमिरे 

औपचारिक शिक्षा पाउन असमर्थ घिमिरेले, घरमा भाइ र बहिनीले पढेको र लेखेको ,देखेर र सुनेरै आफ्नो क्षमता विकास गरेकि हुन्।...

विचार

नेपालमा चुराको अन्तरकथा

नेपाली दिदीबहिनीहरूले लगाउने चुरा, पोते अनि मेहेन्दी स्वदेशी मूलको त होइन नै, यी हाम्रो देशमा उत्पादन पनि हुँदैनन् । यी...

विचार

आमाका अन्तर मनका कठोर प्रश्नहरु

हिजोका दिनमा बच्चाहरुले सिक्ने क्रममा गरेका कयौं गल्तीहरुलाई क्षमादिदै उसलाई अगाडि बढ्नको लागि प्रोत्साहन दिने आमा बाबालाई आज बच्चाहरुले किन...

विज्ञापन

कुनै विज्ञापन छैन

चर्चामा भएको ट्रेन्डिङ

थप देखाउनुहोस्

राजनीतिक समाचार

थप देखाउनुहोस्

अमेरिकाले इजिप्टको विकासका लागि १३० मिलियन अमेरिकी डलर उपलब्ध...

‘सरकारले लगानी बोर्ड तत्काल खारेज गर्नुपर्छ’

समयमा नै किसानलाइ मल उपलब्ध गराउन रास्वपाको माग

राष्ट्रपति महिला उत्थान कार्यक्रम खारेज गर्न प्रेम सुवालको माग

मनोरञ्जन समाचार

थप देखाउनुहोस्

गीतकार प्रमिला बस्नेतको हिन्दी गीत ‘बहुरानी’ सार्वजनिक

नेपाली चलचित्र ‘दान्भी’ को ट्रेलर सार्वजनिक

नेपाली चलचित्र ‘पुजार सार्की’को प्रिमियर शो

कालोकालो कपालमा खैरो..’मा प्रियंका रगम्भिरको रोमान्स

आजको राशिफल

थप देखाउनुहोस्

मेष

वृष

मिथुन

कर्क

सिंह

कन्या

तुला

वृश्चिक

धनु

मकर

कुंभ

मीन