काठमाडौं । कोशी प्रदेशको सभामुखमा राष्ट्रिय प्रजातन्त्र पार्टी राप्रपा का सांसद अम्बरबहादुर विष्ट निर्विरोध निर्वाचित हुनुभएको छ ।

प्रदेशको सभामुखका लागि विष्टको मात्र उम्मेदवारी परेको थियो । आज बसेको प्रदेश सभा बैठकमा उपसभामुख सृजना दनुवारले विष्ट निर्विरोध निर्वाचित भएको घोषणा गर्नुभयो ।

उहाँको प्रस्तावकमा राप्रपा संसदीय दलका नेता भक्तिप्रसाद सिटौला र समर्थकमा प्रेमराज थाम्सुहाङ रहेका थिए ।​​ निर्वाचित भएपछि सभामुख विष्टले सबै दलसँग समन्वय गरेर काम गर्ने प्रतिबद्धता जनाउनुभएको छ ।

गएको साउन १६ गते बाबुराम गौतमले सभामुखबाट राजीनामा दिएपछि यो पद रिक्त रहेको थियो ।

अम्बरबहादुर विष्ट निर्विरोध निर्वाचित

प्रकाशित मिति: मङ्लबार, पुस २४, २०८०, ५:४७ बेलुका

लेखक: समाचारपाटी