युरोपेली संघ (इयु) ले मार्चसम्म युक्रेनलाई १० लाख राउण्ड तोपखाना (गोला) पुर्याउने लक्ष्य गुमाउने बताएको छ । विदेश मामिला र सुरक्षा नीतिका लागि ईयुका उच्च प्रतिनिधि जोसेप बोरेलले पत्रकार सम्मेलन गरी यसबारेमा जानकारी गराउनुभएको हो । इयु रक्षा मन्त्रीहरूको अनौपचारिक बैठकपछि बोरेलले डेस्टोकिंग र व्यक्तिगत तथा संयुक्त खरीदद्वारा इयुले मार्चसम्म ५ लाख २४ हजार गोलाहरू वा लक्ष्यको लगभग ५२ प्रतिशत मात्र डेलिभर गर्न सक्षम हुने बताउनु भयो ।

उत्पादन क्षमता बढ्दै गएपछि यस वर्षको अन्त्यसम्ममा युरोपेली संघले १० लाखभन्दा बढी राउण्ड युक्रेनमा पुर्याउन सक्ने उहाँको भनाइ थियो । गत वर्ष, इयु सदस्य राष्ट्रहरूले युक्रेनलाई रुससँगको द्वन्द्व बढ्दै गएपछि मार्च २०२४ सम्ममा १० लाख १५५ मिलिमिटर गोलाहरू उपलब्ध गराउने प्रतिवद्धता जनाएका थिए । सन् २०२२ को फेब्रुअरीमा युक्रेन बिरुद्ध रुसले गरेको विशेष सैन्य कारबाहीपछि ईयुको उत्पादन क्षमता ४० प्रतिशतले बढेको र २०२४ को अन्त्यसम्ममा १४ लाख पुग्ने बोरेलले बताउनु भयो । 
सिन्ह्वा

युक्रेनयुरोपेली संघ

प्रकाशित मिति: शुक्रबार, माघ १९, २०८०, ४:१४ बेलुका

लेखक: समाचारपाटी