काठमाडौं । संविधानसभा अध्यक्ष एवं नेकपा एमालेका उपाध्यक्ष सुवासचन्द्र नेम्वाङको पार्थिव शरिर आज दिउँसो १ बजे बालुवाटारस्थित निवासमा ल्याउने तयारी थालिएको छ।

पार्टी प्रचार विभागका सचिव गगन विष्टका अनुसार नेम्वाङको पार्थिव शरीर आज १ बजेसम्म श्रद्धाञ्जली अर्पणका लागि च्यासलस्थित पार्टी कार्यालयमा राखिने र त्यसपश्चात निवासमा लैजाने तयारी लैजाने भएको हो।

विष्टले भन्नुभयाे, ''आज दिउँसो १ बजेपश्चात पारिवारिक तथा धार्मिक संस्कारका लागि उहाँको पार्थिव शरीर बालुवाटारस्थित निवासमा राखिने छ। त्यहाँ स्व। नेम्वाङप्रति उहाँका आफन्तजन, इष्टमित्र र परिवारका सदस्यहरूबाट अन्तिम श्रद्धाञ्जली अर्पण गर्ने कार्यक्रम रहेको छ।''

नेम्वाङको अन्त्येष्टि बिहीबार ११ बजे राजकीय सम्मानका साथ पशुपति आर्यघाटमा गरिने छ। नेता नेम्पाङको मंगलबार बिहान हृदयघातका कारण असामयिक निधन भएको थियो।

पार्थिव शरीरबालुवाटारसुवासचन्द्र नेम्वाङ

प्रकाशित मिति: बुधबार, भदौ २७, २०८०, १२:१६ बेलुका

लेखक: समाचारपाटी