सोलुखुम्बु । सोताङ गाउँपालिका ३ सोहरामा मृत भेटिएका सुमेन्द्र राईका आफन्त सम्पर्कमा नआउँदा पोस्टमार्टममा समस्या भएको छ। उहाँ गत आईतबार मृत फेला पर्नुभएकाे थियाे। उहाँको साथमा भेटिएको कोरोना खोप कार्डको विवरण अनुसार राई भारत दार्जिलिङ कुर्सुङ १५ घर नम्बर २५ का व्यक्ति हुनुहुन्छ। 

मुखबाट रगत आएको अवस्थाका उहाँलाई प्रहरीले मृत फेला पारेको थियो। आफन्तको जानकारी लिन भारतीय प्रहरीको सहयोग लिए पनि अहिलेसम्म पत्ता नपाएको जिल्ला प्रहरी कार्यालय सोलुखुम्बुका प्रहरी निरीक्षक रामकिशोर साहले जानकारी दिनुभयाे। 

भारतीय प्रहरीले खोप कार्डमा भेटिएको विवरण अनुसारको व्यक्ति सोही ठेगानामा फेला नपरेको भारतीय प्रहरीले जानकारी गराएको साहले बताउनुभयाे । उहाँको शव जिल्ला अस्पताल फाप्लुको शव गृहमा राखिएको छ।

मृतकका परिवारसँग सम्पर्क हुनेले वा आफन्तले प्रहरी कार्यालयको सम्पर्क नम्बर ९८५२८९०१९९, ९८५२८९०४६७ वा १०० मा सम्पर्क गरेर जानकारी गराइदिन प्रहरीले आग्रह गरेको छ।

annapurnapost

पोस्टमार्टमसुमेन्द्र राई

प्रकाशित मिति: बुधबार, चैत्र १, २०७९, ४:३७ बेलुका

लेखक: समाचारपाटी