काठमाडौं । लुम्बिनी प्रदेशका प्रहरी प्रमुख टेकप्रसाद राईले प्रहरी सेवा लिनका लागि कुनै पनि शुल्क तिर्न नपर्ने बताउनुभएको छ ।

हालै मात्रै सरुवा भएर प्रदेशका विभिन्न जिल्ला निरिक्षणमा निस्केका प्रहरी नायब महानिरीक्षक डीआईजी राईले प्रहरीमा निवेदनका लागि पीडित पक्षले शुल्क तिरेर मात्रै प्रहरी इकाईहरुमा निवेदन दर्ता गर्ने पाइएकोले प्रदेशका प्रत्येक जिल्ला प्रहरी कार्यालयमा निःशुल्क निवेदनको लागि व्यवस्थापन गरिने बताउनुभयो।

शुल्क तिरेर मात्रै प्रहरी इकाईहरुमा निवेदन दर्ता हुँदा जो कोही पनि प्रहरीको सेवा लिन असमर्थ रहेको भन्दै उनले यसको व्यवस्थापन गरिने बताउनुभयो।

‘प्रहरी २४ घण्टै सेवामा हुन्छ, निःशुल्क एवं नागरिक मैत्री प्रहरी सेवा प्रवाह हुने’ उहाँले बताउनुभयो। समयमै प्राप्त हुने सूचना र जानकारीले अपराध नियन्त्रणमा ठूलो भूमिका खेल्ने हुँदा कुनै पनि आवरणमा अपराधीलाई उन्मुक्ति दिन नहुने बताउदै डिआइजी राईले अपराधीलाई संरक्षण नगरी प्रहरीलाई सूचना दिएर सकारात्मक भूमिका खेल्नु पर्ने बताउनुभयो।

लुम्बिनी प्रदेश र भारतसँग करिब ३८५ किलोमिटर खुला सीमा भएकोले सिमाना सुरक्षाका लागि ठूलो चुनौती रहेपनि भएको जनशक्ति र स्रोत साधनका बाबजुद तस्करी र अपराध नियन्त्रण प्राथमिकतामा रहेको बताउनुभयो।

प्रहरी प्रमुख टेकप्रसाद राईलुम्बिनी प्रदेश

प्रकाशित मिति: बुधबार, माघ २५, २०७९, २:२२ बेलुका

लेखक: समाचारपाटी