नेपाली चलचित्र गोरखा वारियरको ट्रेलर सार्वजनिक भएको छ । बिहीवार काठमाडौंमा एक कार्यक्रमबीच ट्रेलरसार्वजनिक भएको हो । चलचित्र फागुन ११ गतेबाट देशभर प्रदर्शनमा आउनेछ । कार्यक्रममा बोल्दै निर्देशक मिलन च्याम्सले कलाकार सबै बराबर भएकाले सानो कलाकार भनेर कसैले हेप्न नहुने बताउनु भयो । उहाँले सानो कलाकारको सहयोग बिना कुनैपनिप कलाकार सुपरस्टार बन्न नसक्ने बताउनु भयो । सिनेमाले देशका सुरक्षा फोर्समा काम गर्ने सुरक्षाकर्मीलाई युद्ध कसरी गर्ने ? भनेर पनि सिकाउने बताउनु भयो । उहाँले यस सिनेमाले साँच्चिकै कसरी युद्ध गर्ने भन्नेकुरा सिकाउने बताउनु भयो । 

फिल्ममा सन् १९४९ मा ‘मलाय इमर्जेन्सी जंगल वार’ मा गोर्खाली सैनिकको साहसिक युद्धकथालाई प्रश्तुत गरिएको छ । यो फिल्म वास्तवितक घटनामा आधारित रहेको बताइएको छ । नेपाली, हिन्दी र अंग्रेजी भाषामा निर्माण गरिएको फिल्ममा रितेश चाम्स, विजय लामा, रेविका गुरुङ, सारा राई, रियर राई, शिशिर वाङ्देल, कविता आले, सुरज तमु, सुमीन गुरुङ, भुवन सिंह राईलगायत कलाकारको अभिनय छ । लण्डन सिनेआई प्रोडक्सन र चाम्स इन्टरटेन्मेन्टको सहकार्यमा निर्माण भएको फिल्मको निर्मातामा सुस्मिता वाइवा, सुमन राई छन् । यस्तै कार्यकारी निर्मातामा प्रशान्त थापा र राजेन्द्र घिमिरे छन् ।

न्युज एजेन्सी नेपाल

चलचित्र गोरखा वारियरट्रेलर सार्वजनिक

प्रकाशित मिति: शुक्रबार, माघ १२, २०८०, १०:०३ बिहान

लेखक: समाचारपाटी