काठमाडौं । अटो व्यवसायीहरुले ट्राफिक प्रहरीका कारण आफ्नो व्यवसायी धरासयी भएको भन्दै काठमाडौं महानगरपालिकाको ध्यानाकर्षण गराएका छन् । कुलेश्वर क्षेत्रमा आफ्नो पसल अगाडि सवारी साधन रोक्न नदिएको र जसका कारण आफ्नो व्यवसाय नै धरासयी भएको भन्दै कुलेश्वर अटो व्यवसाय संघले विरोध प्रदर्शनसहित महानगरको ध्यानाकर्षण गराएको हो ।

प्रदर्शनमा सहभागीहरुले ट्राफिक आतंक बन्द गर,काठमाडौं महानगरपालिका गरि खाना देऊलगायतका प्लेकार्ड प्रदर्शन गरेका थिए ।

संघका अध्यक्ष जिवराज भट्टराईले केहि दिनदेखि आफ्नो व्यवसाय अगाडिको क्षेत्रमा ट्राफिक प्रहरीले हस्तक्षेप गरेको कारण बाध्य भएर प्रदर्शन गर्नुपरेको बताउनुभयाे। उहाँले महानगरले गर्नुपर्ने काम ट्राफिक प्रहरीले गरेको र ट्राफिक प्रहरीले गर्नुपर्ने काम महानगरले गरेकाले ध्यानाकर्षण गराइएको बताउनुभयाे। महानगरले केहिदिन भित्र यस विषयमा सुनुवाइ गर्ने आश्वास दिएको उहाँले जानकारी दिनुभयाे।

अटो व्यवसायी

प्रकाशित मिति: बुधबार, माघ ११, २०७९, २:०३ बेलुका

लेखक: समाचारपाटी