विकास, आर्थिक मामिला तथा सुशासन समिति सभापति कमला पन्तले पदभार ग्रहण गर्नुभएको छ । सोमवार सिंहदरबारमा राष्ट्रिय सभा अध्यक्ष नारायणप्रसाद दाहालसँग पद तथा गोपनियताको शपथग्रहण गराएसँगै उहाँले समिति सभापतिको पदभार ग्रहण गर्नुभएको हो । पदभार ग्रहण गरेसँगै उहाँले सुशासन कामय राख्नका लागि समितिको तर्फबाट कर्तव्यनिष्ठ भएर काम गर्ने प्रतिवद्धता जनाउनु भयो । उहाँले २०३० सम्म दिगो विकासको लक्ष्य पूरा गर्ने देशको उद्देश्यअनुरुप समितिको तर्फबाट सरकारलाई निर्देशन दिने र निर्देशन कार्यान्वयन गराउनेतर्फ लाग्ने बताउनु भयो ।

उहाँले भन्नुभयो, ‘म इमान्दार भएर कर्तव्य भन्दा बाहिर नगइकन काम गर्नेछु । सुशासन कसरी कायम राख्न सकिन्छ ? र यो समितिमा भएको कार्यक्षेत्रलाई इमान्दारिताका साथ अघि बढाउन र दिगो विकासको लक्ष्य पूरा गर्ने २०३० सम्म छ । यसलाई अरु देशले भन्दा पनि हाम्रो देशले जलवायु परिवर्तनका इस्यु छन्, सुशासनका कुराहरु छन्, विकासका कुराहरु छन्, दिगो विकास नै के हो भन्ने छ । समितिले कार्यान्वय गर्ने नभइ सरकारलाई निर्देशन गर्ने हो, निर्देशन कार्यान्वयन गराउन म प्रतिवद्ध रहन्छु । निर्देशनलाई कार्यान्वयन गराउनका लागि लाग्छु । निर्देशन दिएर मात्रै पुग्दैन । निर्देशन कार्यान्वयन हुनुपर्छ ।’ 

उहाँले समितिले सरकारलाई दिएका निर्देशनहरु कार्यान्वयन गराउन प्रतिवद्ध भएर काम गर्ने बताउनु भयो ।

—न्युज एजेन्सी नेपाल

कमला पन्तपदभार ग्रहण

प्रकाशित मिति: मङ्लबार, चैत्र ६, २०८०, १:१८ बेलुका

लेखक: समाचारपाटी