पोखरा । पोखरा ७ घारीपाटनमा रहेको माउण्ट हेभन इङ्लिस स्कुलको आयोजनामा निशुल्क स्वास्थ्य शिविर सम्पन्न भएको छ । पोखरा महानगरपालिका वडा नं.७ को सहकार्यमा सम्पन्न उक्त शिविरमा रिर्मोट हेल्थ सर्भिस सेन्टर र भर्टिकल एसेन्ट काठमाडौँका चिकित्सक एवम् शवस्थ्यकर्मीको टोलीले प्रविधिक सहयोग गरेको थियो ।

चिकित्सक तथा प्रविधिक टोलीमा डा.अमृत पोख्रेल, डा.श्रमशिखा भण्डारी, प्रतिभा अर्याल भट्टराई, धर्म राज खड्का, मुकुन्द गुरुङ, सुनिता क्षेत्री, राजन गोतामे, सुशिल देवा श्रेष्ठ सहित टुरा युनिभर्सिटीबाट फ्रान्सका १ जना र अमेरिकाका ९ जनाको मेडिकल टिम रहेकाे थियाे । शिविरमा महिला तथा पुरुषको जनरल चेकअपका साथै इसिजी , मुटु सम्बन्धी समस्या, वल्ड प्रेसर , सुगर लगाएतकाे परिक्षण गरिनुका साथै निशुल्क औषधी समेत वितरण गरिएको थियो ।

उपचारका क्रममा जटिल समस्या देखिएकालाई गण्डकी मेडिकल कलेज रेफर गरियो । कार्यक्रममा बोल्दै प्रमुख अतिथि पोखरा महानगर पालिका वडा नं.७ का वडा अध्यक्ष राम मोहन आचार्यले आफ्नो वडाको पनि पिछडिएको क्षेत्र घारीपाटनमा शिविर संचालन गरेकोमा खुसी व्यक्त गर्नुभयाे । सामाजिक जनचेतना फैल्याउने तथा जनताको स्वस्थ्यको बारेमा चासो राख्ने खालका सबै कार्यक्रममा वडाको साथ र सहयोग रहने उहाँले बताउनुभयाे । सामाजिक उत्तरदायित्व अन्र्तगत आफ्ना अभिभावकको लागि मात्र नभएर समग्र वडा नंं. ७ को घारीपाटनका साथै वडा नं. ९ , १०,१५ र १७ का वडावासीहरुलाई पनि शिविरको लाभ मिलोस भनेर निशुल्क स्वस्थ्य शिविर आयोजना गरेको माउण्ट हेभनका प्राचार्य यम नाथ अधिकारीले बताउनुभयाे । शिविरमा ३६५ जनाले स्वास्थ्य परिक्षण गराएको पोखरा महानगर पालिका वडा नं. ७ का वडा सदस्य अर्जुन थापाले जानकारी दिनुभयाे ।

स्वास्थ्य परिक्षण

प्रकाशित मिति: बिहिबार, माघ ५, २०७९, ९:५७ बिहान

लेखक: समाचारपाटी