काठमाडौँ । कतारका अमिर शेख तमिम बिन हमाद अल थानी काठमाडौं आइपुग्नुभएकाे छ । उहाँ आफ्नो निजी विमानमा दिउँसो ३:३५ बजे त्रिभुवन विमानस्थलमा अवतरण गर्नुभएकाे हाे । राष्ट्रपति रामचन्द्र पौडेलको निमन्त्रणमा दुई दिने राजकीय भ्रमणका लागि उहाँ नेपाल आउनुभएकाे हाे ।
आइतबार एसियाली देशहरूको भ्रमणमा निस्क्नुभएका अमिर अल थानी मंगलबार बंगलादेशबाट नेपाल आउनुभएकाे हाे ।मंगलबार उहाँले राष्ट्रपति पौडेलसँग शीतलनिवासमा भेटवार्ता गर्ने कार्यक्रम छ । त्यसपछि होटल सोल्टीमा उहाँका लागि राष्ट्रपतिले रात्रीभोजको आयोजना गर्नुभएकाे छ ।
भ्रमणको दोस्रो दिन प्रधानमन्त्री पुष्पकमल दाहाल प्रचण्डसँग द्विपक्षीय भेटवार्ता गरी उहाँ अपरान्ह कतार फर्किनुहुनेछ ।