काठमाडौं । पोखरा महानगरपालिकाका मेयर धनराज आचार्यले पोखरालाई पर्यटकीय राजधानी घोषणा गर्न सरकारसँग माग गर्नुभएकाे छ । पोखरा अन्तर्राष्ट्रिय विमानस्थलको आइतबार उद्घाटन समारोहलाई सम्बोधन गर्दै उहाँले पोखरालाई पर्यटकीय राजधानी बनाउने प्रस्ताव महानगरको तर्फबाट भइसकेको भन्दै सरकारले यसलाई औपचारिक रुपमा घोषणा गर्नुपर्ने माग गर्नुभयाे ।

‘पोखरामा अन्तर्राष्ट्रिय विमानस्थलको उदघाटन भयो, अब अन्तर्राष्ट्रिय उडानमा पहल गरौं, हाम्रो तर्फबाट व्यवस्थापनको काम हामीले सम्पन्न गरेका छौं, ल्यान्डफिल्ड साइट व्यवस्थापन भयो, अब पोखरा विमानस्थल सफल होस्’ उहाँले भन्नुभयाे ।

सम्बोधनको क्रममा मेयर आचार्यले पूर्वपर्यटन तथा नागरिक उडड्यन मन्त्री स्वर्गीय रविन्द्र अधिकारीको स्मरण समेत गर्नुभएकाे थियाे ।

पर्यटकीय राजधानीमेयर धनराज आचार्य

प्रकाशित मिति: आइतवार, पुस १७, २०७९, ३:३२ बेलुका

लेखक: समाचारपाटी