काठमाडौं । कुख्यात सिरियल किलर चार्ल्स शोभराजसँग विवाह गरेको भनेर चर्चामा आएकी अधिवक्ता निहिता विश्वास अध्यागमन विभाग पुग्नुभएकाे छ ।

केन्द्रिय कारागारले शोभराजलाई गोलघरबाट निकालेर छाडेर विभाग पुर्‍याउँदा विश्वास अध्यागमनमै हुनुहुन्थ्याे । अध्यागमनमा पत्रकारहरुसँग प्रतिक्रिया दिँदै निहिताले शोभराजलाई सुरक्षितरुपमा कसरी फ्रान्ससम्म पठाउने भन्ने चिन्ता रहेको बताउनुभयाे ।

‘अहिले उी नै फस्टपाटी हुनुहुन्छ, उहाँले के चाहनुहुन्छ भन्ने मुख्य कुरा हो’, विश्वसाले भन्नुभयाे,‘अहिले सुरक्षा राम्रो गराएर बाहिर पुग्दा हामी ढुक्क हुन्छौं ।’ अहिले परिवारबारे केही नसोचेको बताउँदै उहाँले शोभराजलाई दूतावाससँग समन्वय गर्नुपर्ने कुरामा सहयोग गर्ने बताउनुभयाे ।

तपाईं पेरिस जान चाहनुहुन्छ रु भन्ने प्रश्नमा उहाँले आफ्ना अरु केशहरु पनि हेर्नुपर्ने भएकाले त्यसबारे केही नसोचेको सुनाउनुभयाे ।

निहिता विश्वास

प्रकाशित मिति: शुक्रबार, पुस ८, २०७९, ३:४५ बेलुका

लेखक: समाचारपाटी