काठमाडौं । नेपाली कांग्रेसका नेता चन्द्र भण्डारीकी आमा हरिकला भण्डारीको निधन भएको छ ।

बुधवार राति खाना पकाउने ग्यास सिलिन्डर विस्फोट हुँदा घाइते भएकी हरिकलाको बिहीबार बिहान १०ः ५८ मा निधन भएको कीर्तिपुर अस्पतालका डा निजिमा ताम्राकारले बताउनुभयो ।

बुधवार राति बुद्धनगरस्थित निवासमा ग्याँस सिलिन्डर विस्फोट हुँदा भण्डारी आमा–छोरा जलेर घाइते हुनुभएको थियो । उनीहरूलाई राति नै कीर्तिपुर अस्पतालमा लगिएको थियो ।

आइसियुमा राखेर उपचार भइरहेको बेला हरिकलाको निधन भएको हो । सांसद भण्डारीको सोही अस्पतालमा उपचार भइरहेको छ । उहाँलाई थप उपचारका लागि भारत लैजाने तयारी गरिएको छ ।

निधनहरिकला भण्डारी

प्रकाशित मिति: बिहिबार, फाल्गुन ४, २०७९, ११:५७ बिहान

लेखक: समाचारपाटी