अस्ट्रेलियालीहरूले खानाको कुल खपतमा पहिलो पटक गिरावट आएको छ । अस्ट्रेलियन ब्युरो अफ स्ट्याटिस्टिक्स (एबीएस) द्वारा प्रकाशित तथ्याङ्कअनुसार अस्ट्रेलियालीहरूले जुन २०२३ को अन्त्यसम्म १२ महिनामा कुल १४.८ मिलियन टन खाद्य र गैर–मादक पेय पदार्थ खरिद गरेका छन् । जुन अघिल्लोको १५.१ मिलियन टनको १.९ प्रतिशतले कम हो । २०१८–०१९ मा एबीएस मापन गर्न थालेपछि खाद्य र गैर–अल्कोहल पेय पदार्थहरूको कुल स्पष्ट खपत घटेको यो पहिलो पटक हो । हरेक प्रमुख खाद्य समूहको स्पष्ट उपभोग घटेको छ । तरकारीहरूले प्रतिव्यक्ति प्रतिदिन १४ ग्रामको सबैभन्दा ठूलो गिरावट रेकर्ड गरेको छ भने फलफूल १२ ग्राम घटेको छ । दूध र गैर–मादक पेय पदार्थहरू पनि घटेको छ । 
सिन्ह्वा

अस्ट्रेलियालीगिरावट

प्रकाशित मिति: शुक्रबार, बैशाख ७, २०८१, ४:५२ बेलुका

लेखक: समाचारपाटी