रुकुम पूर्व । रुकुम पूर्वमा आफैले सञ्चालन गरेको आरा मेशिनमा परेर १ जनाको मृत्यु भएको छ । पुथा उत्तरगङ्गा गाउँपालिका – १२ क्युबाङका कर्मधन पुनको मंगलबार राति मृत्यु भएको हो ।

पुथा उत्तरगंगा गाउँपालिकाका अध्यक्ष पुनिराज घर्तीका अनुसार मंगलबार राति करिब ८ बजेतिर आरा मेशिनमा परेर घाइते हुनुभएका पुनलाई उपचारका लागि रुकुम पूर्व अस्पताल लैजाँदै गर्दा बाटोमै मृत्यु गएको हो ।

आरा मेशिन दुर्घटनाको खबर लगत्तै आफूसहित गाउँपालिका उपाध्यक्ष भुपेन्द्रा बुढा घटनास्थल पुगेको र गाउँपालिकाकै गाडीमा रुकुमकोटमा रहेको अस्पतालतिर लैजाने क्रममा उहाँको मृत्यु भएको अध्यक्ष घर्तीले जानकारी दिनुभयो ।

युवाको मृत्यु

प्रकाशित मिति: बुधबार, फाल्गुन १७, २०७९, ११:२२ बिहान

लेखक: समाचारपाटी