मकवानपुर । मकवानपुरमा ट्रकले स्कुटरलाई ठक्कर दिँदा एक जनाको ज्यान गएको छ ।

मकवानपुरको मनहरि गाउँपालिका वडा नम्बर–६ रामडाँडामा चितवनबाट हेटौँडा आउँदै गरेको ना ५ ख ३५५७ नम्बरको ट्रकले गा १५ प ३९६९ नम्बरको स्कुटरलाई ठक्कर दिएको हो ।

ट्रकको ठक्करबाट कास्कीको निर्मल पोखरी–२ बस्ने अन्दाजी ३८ वर्षीया निर्मला परियारको ज्यान गएको हो । मकवानपुरका प्रहरी प्रवक्ता डीएसपी टेकबहादुर कार्कीले ठक्कर दिने ट्रक तथा चालक इलाका प्रहरी कार्यालय मनहरिको नियन्त्रणमा रहेको जानकारी दिनु भएको छ ।

ट्रक

प्रकाशित मिति: शुक्रबार, फाल्गुन ५, २०७९, १२:१८ बेलुका

लेखक: समाचारपाटी