काठमाडौं । दार्चुलाको व्यास गाउँपालिका–१ कुन्तीमा यार्सागुम्बा सङ्कलनका क्रममा ढुङ्गाले लाग्दा १ जनाको मृत्यु भएको छ ।

बिहीवार हिजो ढुङ्गाले लागेर व्यास गाउँपालिका–१ छाङरुका ४२ वर्षीय वीरसिंह ऐतवालको मृत्यु भएको हो । ढुङ्गाले लागेर अर्का एक जना घाइते भएका छन् ।

ढुङ्गा खसेर टाउकोमा चोट लागेका ‍‌ऐतवालको घटनास्थलमै मृत्यु भएको जिल्ला प्रहरी कार्यालयका सूचना अधिकारी एवम् प्रहरी निरीक्षक ज्ञानेन्द्रबहादुर सिंहले बताउनु भयो।

यस्तै, घाइते पुष्कर ऐतवालको उद्धार गरिएको र उहाँको घरमै प्राथमिक उपचार भइरहेको सिंहले बताउनु भयो ।

मृत्युयार्सा सङ्कलन

प्रकाशित मिति: शुक्रबार, जेष्ठ ५, २०८०, १२:५८ बेलुका

लेखक: समाचारपाटी