काठमाडौं । डडेल्धुराको आलिताल गाउँपालिकामा तरकारी सङ्कलन केन्द्र स्थापना गरिएको छ ।
वडा नं २ मा उक्त केन्द्र स्थापना भएसँगै तरकारीलगायत कृषिजन्य उत्पादन सङ्कलन तथा बिक्री गर्न सहज हुने भएको छ ।
सो केन्द्र स्थापनाबाट तरकारी खेतीमा संलग्न तीन सयभन्दा बढी किसान लाभान्वित भएका छन् ।
केन्द्र व्यवस्थापन तथा सञ्चालनका लागि स्थानीय अगुवा किसान जोगबहादुर मडैको अध्यक्षतामा सात सदस्यीय समिति गठन गरिएको वडाध्यक्ष प्रमोद मल्लले जानकारी दिनुभयो ।
अहिलेसम्म स्थानीय उत्पादनले बजार नपाउँदा समस्या भएको थियो ।