भारत सरकारले श्रीलंका र संयुक्त अरब इमिरेट्स (युएई) मा प्याज निर्यातमा सहजता दिएको संघीय वाणिज्य तथा उद्योग मन्त्रालयले जनाएको छ । वैदेशिक व्यापार महानिर्देशनालयले जारी गरेको सूचनामा राष्ट्रिय सहकारी निकासी लिमिटेडमार्फत प्याज निकासी गरिने जनाएको छ । सरकारले युएईमा थप १० हजार मेट्रिक टन प्याज निर्यात गर्न अनुमति दिएको छ (२४,४०० मेट्रिक टन भन्दा माथि पहिले नै अनुमति दिइएको थियो) र १० हजार मेट्रिक टन श्रीलंकामा निर्यातको अनुमति दिएको अधिसूचनामा भनिएको छ । घरेलु बजारमा मूल्य नियन्त्रण गर्न गत महिनासम्म वस्तुको निर्यातमा प्रतिवन्ध लगाएपछि श्रीलंका र युएईमा निर्यात खुकुलो बनाउने संघीय सरकारले गरेको निर्णयले महत्व राखेको छ । हाल भारतभरका खुद्रा बजारहरूमा प्याज ३५ देखि ४० भारतीय रुपैयाँ (४१ र ४७ अमेरिकी सेन्ट) प्रति किलोग्राममा बिक्री भइरहेको छ । अक्टोबर–नोभेम्बर २०२३ मा, वस्तुको मूल्य प्रतिकिलोग्राम लगभग ७०–८० भारतीय रुपैयाँमा पुग्यो । त्यसपछि, डिसेम्बर २०२३ मा, भारत सरकारले प्याजको निर्यातलाई मार्च ३१, २०२४ सम्म प्रतिवन्ध लगाएको थियो । 
सिन्ह्वा

प्याजयुएईश्रीलंका

प्रकाशित मिति: आइतवार, बैशाख ९, २०८१, ११:५२ बिहान

लेखक: समाचारपाटी