काठमाडौं । अभिनेत्री शिल्पा पोखरेलले आफूमाथि घरेलु हिंसा भएको भन्दै दायर गरेको मुद्दामा काठमाडौं जिल्ला अदालतले पोखरेलको पक्षमा आदेश गरेको छ ।

अभिनेत्री पोखरेलले सोमबार सामाजिक सञ्जालमार्फत उक्त जानकारी गराउनुभएको हो ।

‘हिजो सम्मानित काठमाडौं जिल्ला अदालतबाट छवि ओझाविरुद्धको मेरो मुद्दामा मलाई जिताउने सम्पूर्ण निर्णयले मैले सम्मानित अदालतबाट न्याय पाएको महसुस गरेको छु ।

यस कठिन समयमा मलाई बलियो साथ दिने सबै तथा विशेष सहयोगका लागि वरिष्ठ अधिवक्ता रमेश गुरागाईंज्यू र अधिवक्ता मनोज यादवज्युलाई कृतज्ञता तथा हार्दिक धन्यवाद व्यक्त गर्न चाहन्छु,’ उहाँले लेख्नुभएको छ।

अभिनेत्री शिल्पा पोखरेल

प्रकाशित मिति: सोमवार, फाल्गुन १५, २०७९, ९:१३ बेलुका

लेखक: समाचारपाटी