काठमाडौं । नेकपा माओवादी केन्द्रका महासचिव देव गुरुङले गृहमन्त्री कसलाई बनाउने भन्ने विषय प्रधानमन्त्रीको अधिकार भएको बताउनुभएको छ।
‘गृहमन्त्री कसलाई बनाउने दबाव दिने कुरा भएको छैन, हुनुहुँदैन । यसबारे छुट्टै परामर्श लिन परेन । प्रधानमन्त्रीको कुरा हो’ बुधबार प्रधानमन्त्री पुष्पकमल दाहाल प्रचण्डको ब्रिफिङ सुनेपछि गुरुङले भन्नुभयो ।
अब गृहमन्त्री बनाउँदा विकल्प खोज्नुपर्ने अवस्था आएको पनि महासचिव गुरुङ बताउनुभयो । ‘विकल्प खोज्ने हो । पात्र फेर्नुपर्यो । मन्त्रालय फेर्नुपर्यो’ महासचिव गुरुङले दोहोर्याए, ‘ गृहमन्त्रीका विषयमा छुट्टै परामर्श लिनपरेन । प्रधानमन्त्रीको कुरा हो ।’