काठमाडौं । सत्ता गठबन्धनको बैठक संसद भवन नयाँबानेश्वरमा जारी छ । बैठकमा नेकपा एमाले, माओवादी केन्द्र, रास्वपा, जसपा, राप्रपा लगायत दलका शीर्ष नेताहरु सहभागी छन् ।

जसपा अध्यक्ष उपेन्द्र यादव बैठक सुरु भइसकेपछि आउनुभएकाे थियाे । बैठकमा नागरिक उन्मुक्ति पार्टी (नाउपा) का प्रतिनिधि भने देखिएका छैनन् ।

सत्ता साझेदार दलहरुको तर्फबाट सरकारमा कोको सहभागी हुने भन्ने विषयमा छलफल भइरहेको स्रोतले बताएकाे हाे ।

माओवादी अध्यक्ष प्रचण्डले आज अपराह्न चार बजे शपथ ग्रहण गर्दैहुनुहुन्छ । आजै सानो आकारको मन्त्रिपरिषद गठन गर्ने उहाँको तयारी छ ।

संसद भवन

प्रकाशित मिति: सोमवार, पुस ११, २०७९, १:३७ बेलुका

लेखक: समाचारपाटी