नेकपा एमालेका उपमहासचिव प्रदीप ज्ञवालीले हार स्वीकार गर्नुभएकाे छ । अन्तिम मत परिणाम आउनु अगाडि नै सामाजिक सञ्जालमार्फत् ज्ञवालीले हार स्वीकार्नुभएकाे हाे ।
‘अथक प्रयासका बाबजुद हाम्रो अभियान सफल हुन सकेन,’ ज्ञवालीले लेख्नुभएकाे छ, ‘तपाईंहरूको विश्वासलाई मत परिणाममा बदल्न नसकेकोमा क्षमा चाहन्छु ।’
ज्ञवालीले हारको जिम्मेवारी आफैं लिने बताउनुभएकाे छ । उहाँले लेख्नुभएकाे छ, ‘प्रतिकूल परिणामको जिम्मेवारी म मेरै काँधमा लिन्छु । कहाँ कमीहरू रहन गए, समयक्रममा समीक्षा हुने नै छ ।’
गुल्मी- १ मा नेपाली कांग्रेसका चन्द्र भण्डारी ज्ञवालीलाई पछि पार्दै जित नजिक हुनुहुन्छ ।