काठमाण्डौं ४ मा मत गणनाको सुरुवात बुढानीलकण्ठको १ नम्बर वडाबाट गरिएको थियो । कांग्रेसभित्र यो वडामा पछि परिन्छ कि भन्ने आशंका थियो । किनकी स्थानीय निर्वाचनमा यो वडामा एमालेले ८४५ मतका साथ वडाध्यक्ष जितेको थियो । कांग्रेसका वडाध्यक्ष उम्मेदवारले ४७२ मत पाएका थिए ।

तर यही वडामा गगन थापाले अग्रता लिनुभएकाे छ । कूल खसेको १ हजार५ सय ११ मतमा थापाले ६ सय६७ मत पाउँदा भट्टराईले ६सय ३३ मत पाउनुभयाे । अर्थात थापाले प्रारम्भमै ३४ मतको अग्रता लिनुभएकाे थियाे ।

बुढानीलकण्ठ–२ को मतगणना सकिँदा थापाले अग्रता झनै बढाउनुभयाे । यो वडामा कूल खसेको २७०५ मतमा थापाको पक्षमा १ हजार ३ सय ५८ र भट्टराईको पक्षमा ९ सय ४७ मत खसेको थियो । यहाँ दुई उम्मेदवारको मतान्तर ४ सय ११ रह्यो ।

बुढानीलकण्ठ–८ मा थापाले मतान्तर झनै बढाउनुभयाे । ३ हजार ३ सय ५५ खसेको मतमा थापाले यस वडामा १ हजार ४ सय ६४ ल्याउँदा भट्टराईलाई १ हजार १ सय ३१ मत खस्यो । बुढानीलकण्ठ १, २ र ८ को गणना सकिँदा ७ सय ७५ को मतान्तर कायम थियो ।

बुढानीलकण्ठकै वडा नम्बर ९ मा थापाले १२३६ मत ल्याउँदा भट्टराईले ७७६ मत पाउनुभयाे । वडा नम्बर १० मा पनि थापा नै अघि देखिनुभयाे । थापाले ३१७ मत अन्तरले भट्टराईलाई पछि पार्नुभयाे ।

बुढानीलकण्ठका १, २, ८, ९, १२ र १३ वडाको मतगणना सकिँदा थापा ११ हजार ९८६ मतसहित अगाडि रहनुभयाे । भट्टराईको मत भने ९ हजार २७६ मत पुग्यो ।

काठमाण्डौं महानगरका वडामा आइपुग्दा कांग्रेस उम्मेदवार थापाले मतान्तर बढाउनुभएकाे छ । अहिले महानगरको वडा नम्बर ८ मा गणना जारी छ र दुई उम्मेदवारको मतान्तर ५ हजार ६६८ पुगेको छ ।

गगन थापानेपाली कांग्रेस

प्रकाशित मिति: मङ्लबार, मंसिर ६, २०७९, ८:५६ बिहान

लेखक: समाचारपाटी