केन्या डिफेन्स फोर्सका प्रमुख फ्रान्सिस ओगोलाको सिया काउन्टीमा अन्त्येष्टि गरिएको छ । अप्रिल १८ मा केन्याको उत्तरपश्चिमी क्षेत्रमा हेलिकप्टर दुर्घटनामा परी मृत्यु भएका सेना प्रमुखलाई उनको गृह नगरमा अन्त्येष्टि गरिएको हो । केन्याका राष्ट्रपति विलियम रुटो अन्तिम संस्कारमा सहभागी हुनुभएको थियो । 

ओगोला हेलिकप्टरमा अन्य ११ जना सैन्य कर्मचारीसँग सवार थिए । एल्गेयो माराक्वेट काउन्टीको स्थानीय प्राथमिक विद्यालयबाट उडेको हेलिकप्टर दुर्घटना भएको थियो । ओगोला सहित १० सैन्य अधिकारीको दुर्घटनामा मृत्यु भएको थियो । 
सिन्ह्वा

अन्त्येष्टिकेन्या

प्रकाशित मिति: मङ्लबार, बैशाख ११, २०८१, १२:३७ बेलुका

लेखक: समाचारपाटी