फिलिपिन्स र अमेरिकाले अहिलेसम्मकै ठूलो संयुक्त सैन्य अभ्यास शुरु गरेका छन् । यस अभ्यासले क्षेत्रीय शान्ति र स्थायित्वलाई खतरामा पार्ने आलोचनाको बीचमा १६ हजार ७ सय भन्दा बढी फिलिपिन्स र अमेरिकी सेनाले सोमवार अहिलेसम्मकै सबैभन्दा ठूलो वार्षिक संयुक्त सैन्य अभ्यास शुरु गरेका हुन् । फिलिपिन्स सेनाका अनुसार, १९ दिने अभ्यास शुरु भएको हो । जसलाई बालिकतन २०२४ भनिन्छ । यसमा करिव ५ हजार फिलिपिन्स र ११ हजार अमेरिकी सेनाले भाग लिनेछन् । अष्ट्रेलियन डिफेन्स फोर्स र बालिकाटनको इतिहासमा पहिलो पटक फ्रान्सेली नौसेना पनि सहभागीको रूपमा अभ्यासमा सामेल हुनेछन् । वार्षिक सैन्य अभ्यासमा जापान र भारतसहित १४ राष्ट्रले पर्यवेक्षकका रूपमा भाग लिनेछन् । सहभागीहरूले सामुन्द्रिक सुरक्षा, वायु र मिसाइल रक्षा, गतिशील मिसाइल स्ट्राइक, साइबर रक्षा, र सूचना अपरेसनहरू सहित डोमेनहरूमा जटिल मिसनहरूको दायरा कार्यान्वयन गर्नेछन् ।
सिन्ह्वा

अमेरिकाफिलिपिन्स

प्रकाशित मिति: मङ्लबार, बैशाख ११, २०८१, ४:५८ बेलुका

लेखक: समाचारपाटी