काठमाडौं । अभिनेत्री वर्षा शिवाकोटीको १० महिने वैवाहिक सम्वन्धमा पूर्णविराम लागेको छ। अमेरिका बस्ने आशिष गेलालसँग उहाँलाई छोडेर दोस्रो विवाह गर्नुभएको छ।

गत वैशाखमा परिवारका सीमित सदस्यबीच वर्षासँग मागि विवाह गरेका आशिष अमेरिका जानुभयो। नेपालमै रहेकी वर्षा केही समय आफ्नो फिल्म ‘लक्का जवान’को प्रमोसन गरेर श्रीमानलाई भेट्न अमेरिका जानुभएको थियो।

त्यसपछि नेपाल फर्किएकी वर्षाले श्रीमानलाई सामाजिक सञ्जालमा अनफलो गर्नुभएको गियो। आशिषले पनि वर्षालाई सामाजिक सञ्जालबाट हटाउनुभयो। वर्षाले इन्स्टाग्रामबाट विवाहका तस्बिर हटाउनुभयो। फेसबुकमा भने विवाहका तस्बिर केही समय अघिसम्म थिए। श्रीमानले अर्कै विवाह गरेपछि वर्षाले ती तस्बिर हटाउनुभएको छ।

सामाजिक सञ्जालको फलो र अनफलोलाई हेरेर धेरैले उहाँहरुको सम्बन्ध बिग्रिएको लख काटिरहेका थिए। तर उहाँहरु दुवैले आफ्नो सम्बन्धबारे केही बोल्नुभएन। आशिषका आफन्तले दोस्रो विवाहको फोटो सार्वजनिक गरेपछि यो खबर बाहिर आएको हो।

अभिनेत्री वर्षा शिवाकोटी

प्रकाशित मिति: मङ्लबार, फाल्गुन ३०, २०७९, २:४९ बेलुका

लेखक: समाचारपाटी