पोखरा । पोखरा अन्तर्राष्ट्रिय विमानस्थलमा क्यालिब्रेसन अर्थात् यान्त्रिक परीक्षण उडानका लागि एरो थाइ कम्पनीको जहाज पोखरा विमानस्थलमा आइपुगेको छ ।

विमानले सोमबार दिउँसो १२ बजेदेखि यान्त्रिक परीक्षण उडान गर्ने तयारीमा रहेको पोखरा विमानस्थल आयोजना प्रमुख विनेश मुनकर्मीले बताउनुभयो । उडानका लागि पोखरा महानगरपालिका वडा नम्बर २६ मा रहेको रिठेपानी डाँडा कटानको काम पनि भएको प्रमुख मुनकर्मीको भनाइ रहेको छ । क्यालिब्रेसन प्लाइटको समयमा नियमित उडान प्रभावित हुने छन् । क्यालिब्रेसन फ्लाइटले पोखरा विमानस्थलको दैनिक ३० बढी नियमित उडान प्रभावित हुने पोखरा विमानस्थलका सूचना अधिकारी देवराज सुवेदीले जानकारी दिनुभयो ।

विमानस्थल सञ्चालनअघि विमानस्थलमा जडान गरिएका प्राविधिक उपकरणहरुले सही रुपमा काम गर्छन् कि गर्दैनन् भनेर जाँच गर्नको लागि यान्त्रिक परीक्षण उडान गरिन्छ । उडान सकिएपछि एरो थाई कम्पनीले दिने प्रतिवेदनका आधारमा विमानस्थलमा वायुसेवा कम्पनीहरुले उडान र अवतरण गर्न सक्ने छन् ।

अंग्रेजी नयाँ वर्ष अर्थात जनवरी १ देखि नियमित उडान सुरु गर्ने गरी नेपाल नागरिक उड्डयन प्राधिकरणको तयारी छ ।

gandaki pradeshPokharapokhara international airportthai air calibration flight

प्रकाशित मिति: शनिबार, मंसिर ३, २०७९, ६:०२ बेलुका

लेखक: समाचारपाटी