काठमाडौं । भारतमा अपहरणमा परेका दुई जना नेपाली युवकको हत्या भएको छ। उहाँहरूको शव नेपाल ल्याउन लागिएको छ।

२ साता अघि जनकपुरधाम उपमहानगरपालिका ८ का २१ वर्षीय रोहित साह र जनकपुरधाम १३ का २२ वर्षीय बिष्णु साह भारत जानुभएको थियो।

बिष्णुलाई लिएर रोहित भारतको सितामढी जिल्लास्थित बेला परिहारमा रहेको नातेदारको घर गएका थिए।

उनीहरू नातेदारको घरमा छविहारको भोज खान गएको परिवारजनले बताए। दुवै जना एकाएक पुस २६ गते सम्पर्कविहीन भएका थिए ।

दुवै जना सम्पर्कविहीन भएको केही दिनपछि परिवारजनलाई फोन आएको थियो। भारतीय नम्बरबाट आएको फोनमा ५० लाख फिरौती मागिएको उनीहरूका आफन्त देवनारायण साहले बताउनुभयो।

परिवारजनले त्यति रकम तिर्न नसक्ने बताएपछि २० लाख माग गरिएको थियो। उनीहरूका परिवारजनलाई २० लाख लिएर सर्लाहीको मलंगवा नाकामा बोलाएको थियो।

हत्या

प्रकाशित मिति: आइतवार, माघ ८, २०७९, १:३३ बेलुका

लेखक: समाचारपाटी