सुर्खेत । कर्णाली प्रदेश सभाको उपसभामुखमा नेकपा माओवादी केन्द्रबाट यशोदा न्यौपाने निर्वाचित हुनुभएको छ ।

आज बुधवार प्रदेश सभामा भएको मतदानमा न्यौपाने २५ मत ल्याएर उपसभामुखमा निर्वाचित हुनुभएको हो । उहाँलाई नेकपा एमालेका १०, माओवादी केन्द्रका १३, राप्रपा र एकीकृत समाजवादीका एक एक जना सांसदले मत दिएका थिए ।

न्यौपाने समानुपातिक सांसद हुनुहुन्छ । कर्णाली प्रदेश सभामा ४० सदस्य रहेकामा आज मतदानमा ३८ जनाको उपस्थिति रहेको थियो ।

प्रकाशित मिति: बुधबार, माघ ४, २०७९, ४:४८ बेलुका

लेखक: समाचारपाटी