काठमाडौं । राप्रपा नेपालका अध्यक्ष कमल थापाले मुकुकको बिधमान अवस्थामा ब्यक्ति परिवर्तन गरेर समस्या समाधान नहुने भन्दै ब्यवस्था र प्रणाली नै परिवर्तन गर्नुपर्नेमा जोड दिनुभएकाे छ ।  आज पार्टी प्रवेश कार्यक्रममा बोल्दै थापाले गणतन्त्र , धर्म निरपेक्षता र संघीयताले मुलुकलाई निस्कनै नसकिने दलदलमा फसाएको भन्दै अब यो ब्यवस्था र प्रणालीको बिकल्प खोज्ने समय आएको समेत बताउनुभयाे। सिङ्गो राज्यसत्ता भ्रष्टाचारमा लिप्त भएको भन्दै थापाले सरकारको सुशासन र समृद्धिको गफ हावादारी भएको समेत टिप्पणी गर्नुभयाे।

 "भ्रष्टाचारिलाई कार्बाही होइन, सरकार भ्रष्टाचारिको संरक्षक भएर निस्किएको छ, जुन दुर्भाग्यपूर्ण छ" - उहाँले भन्नुभयाे । राजनितीक दलका नेता, कर्मचारी, बिचौलियाहरुको त्रिकोणात्मक गठजोडले भ्रष्टाचार संस्थागत भएको थापाको दाबी थियो । चुनाब जित्ने, सरकारमा जाने, सत्ता टिकाउने अनि ब्रम्हलुट गर्ने यो दुष्चक्रबाट मुलुकलाई बाहिर निकाल्नुपर्ने आबश्यकता रहेको थापाले चर्चा गर्नुभयाे। आगामी भाद्र २९ गते काठमाडौंमा हुने बिरोध प्रदर्शनको तयारीमा जुट्न नब प्रबेशी युबाहरुलाई थापाले आग्रह गर्नुभयाे। सो अवसरमा विशाल बिक्रम राणाको नेतृत्वमा दर्जनौ युबा राप्रपा नेपाल प्रबेश गरेका छन् । साथै राप्रपा गण्डकी प्रदेश सदस्य सुदर्शन केसि राप्रपा नेपाल प्रबेश गरेका छन् ।

कमल थापाराप्रपा नेपाल

प्रकाशित मिति: मङ्लबार, भदौ १९, २०८०, ८:२५ बिहान

लेखक: समाचारपाटी