राजन परियार, पोखरा । पोखरा महानगरपालिका वडा नं ३० को शिशुवामा शिशुवा नौबिशे टोलमा निर्माण गरिएको ढलान बाटोको बिहिबार नव वर्षका दिन उद्घाटन तथा शुभकामना आदानप्रदान कार्यक्रम गरि उद्घाटन गरिएको छ।
महानगरपालिका तथा उपभोक्ताको संयुक्त लगानीमा २२ लाख ८ हजार रुपैयाँ लागतमा निर्माण भएको १४८ मिटर ढलान बाटोको पोखरा महानगरपालिका वडा नं ३० का वडा अध्यक्ष दुर्गा बहादुर सुबेदी र निर्वतमान वडा अध्यक्ष श्री राम पोख्रेलले उद्घाटन गर्नुभयाे।
कार्यक्रममा प्रमुख अतिथि वडा अध्यक्ष दुर्गा बहादुर सुबेदीले उपभोक्ताको अग्रसरतामा नमुना बाटो बनेको र महानगरपालिकालाई पनि सबैको स्वस्थ सहाभागिता तथा सहकार्य भए कुनै पनि विकास निर्माण कार्यमा वडा लगानी गर्न उत्साह बढेको र तत्पर रहेको भनाइ राख्नुभएकाे थियाे। त्यसै गरि निवर्तमान वडा अध्यक्ष श्री राम पोख्रेलले कुनैपनि सामाजिक सेवक सदाका लागि सामाजिक सेवामा लागि पर्ने र आफु पनि सदा सामाजिक सेवामा लागि पर्ने बताउनुभएकाे छ।
बाटो निर्माण समितिका अध्यक्ष बिजय गुरुङको अध्यक्ष्यतामा भएको उद्घाटन कार्यक्रममा वडा सदस्य उमा परियार, टोल विकास संस्थाका अध्यक्ष सुमित्रा सुबेदी, नागरिक परोपकार समन्वय संस्था, पोखरा– ३०का अध्यक्ष चिरन्जीवी तिवारीले भनाइ राख्नुभएकाे थियाे। कार्यक्रममा स्वागत मन्तब्य कार्यसमितिका तर्फबाट राजेन्द्र ओझाले राख्नुभएकाे थियाे भने कार्यक्रमको संचालन सुरेन्द्र पौडेलले गर्नुभएकाे थियाे।