काठमाडौं । प्रधानमन्त्री पुष्पकमल दाहाल प्रचण्डले संसदमा ८ प्रश्न गर्दै समस्याका रुपमा रहेका प्रश्नको उत्तर खोज्न पनि निर्देशन दिएको बताउनुभएकाे छ । आफूले सचिवहरूलाई बोलाएर प्रश्न सोधेको उहाँले बताउनुभयाे।
यी हुन् प्रधानमन्त्री प्रचण्डले सोधेका ८ प्रश्न
१ राहदानी बनाउन राति दुई बजेदेखि बस्नुपर्ने बाध्यताले एक नागरिकले कसरी राज्यको भरोसा गर्दछ ?
२ अहिलेकै गतिमा राष्ट्रिय परिचयपत्र वितरण हुने हो भने कति दशकमा तीन करोड नेपालीले राष्ट्रिय परिचयपत्र पाउने छन् ?
३ सवारी चालक अनुमति पत्र लिन पनि वर्षौं कुर्नुपर्ने कारण के हो ?
४ सरकारी अस्पताल र सामुदायिक विद्यालयको स्तर किन खस्कियो ?
५ प्रविधिको यत्रो विकास भइसक्दा पनि सरकारी अस्पतालमा नाम दर्ता गर्नमात्र किन घण्टौ कुर्नुपर्छ ?
६ सरकारी अस्पतालमा सामान्य शल्यक्रिया गराउन पनि किन तीनचार महिना कुर्नुपर्छ ?
७ अस्पतालका उपकरण किन महिनौ बन्दैनन् ?
८ अनुदानका सामग्री किन स्टोरमा थन्किन्छन् ?
प्रचण्डले भन्नुभयाे, 'यी सेवा प्रवाहलाई सहज र विकासको गतिलाई तीव्र बनाउन नीतिगत कुराको जिम्मेवारी म लिन्छु परिणाममुखी तपाइँहरूले बनाउनुहोस् भनेर नेपाल सरकारका सचिवहरूलाई निर्देशन दिइसकेको छु।''
annapurnapost