पोखरा । पोखरामा आयोजना हुने दशौं संस्करणको नेपाल लिटरेचर फेस्टिभलमा यस वर्ष कांग्रेस महामन्त्री गगन थापा आउने हुनुभएकाे छ । फेस्टिभलका दुई सत्रमा उहाँ वक्ताका रुपमा रहने आयोजक बुकवर्म फाउन्डेशनले जनाएको छ । महामन्त्री थापाले ‘काठमान्डु कथा’ शीर्षक सत्रमा लेखक बुद्धिसागरसँग संवाद गर्नुहुनेछ । यस सत्रमा बाहिरी जिल्लाबाट काठमाडौं गएका र काठमान्डौँमै बसेका व्यक्तिले भोगेको काठमाडौंको समाज एवं यहाँको जनजीवनबारे छलफल हुने फाउन्डेशनले बताएको छ ।

साथै ‘समाजअनुसारका नेता कि नेताअनुसारको समाज ?’ शीर्षक सत्रमा अर्का महामन्त्री विश्वप्रकाश शर्मा र थापासँग लेखक एवं पत्रकार बसन्त बस्नेतले संवाद गर्ने पनि फाउन्डेशनको भनाइ छ । फेस्टिभलमै नेकपा एमाले अध्यक्षसमेत रहनुभएकाे पूर्वप्रधानमन्त्री केपी शर्मा ओली पनि आउनुहुनेछ । उहाँले आफ्नो गैरराजनीतिक जीवनबारे पत्रकार अखण्ड भण्डारीसँग चर्चा गर्नुहुनेछ । पुस ६ देखि ११ सम्म पोखराको बाराहीघाट, लेकसाइडमा फेस्टिभल आयोजना हुँदै छ ।

नेपाल लिटरेचर फेस्टिभल

प्रकाशित मिति: बिहिबार, मंसिर २९, २०७९, १२:१० बेलुका

लेखक: समाचारपाटी