लायन्स अन्तर्राष्ट्रिय , डिस्ट्रिक्ट ३२५ एम, ट्री प्लान्टेसन डिपार्टमेन्टको आयोजनामा मेघा वृक्षारोपण तथा गोडमेल कार्यक्रम पोखरा १८ जामुनवोट, ग्यारजतीमा सम्पन्न भएको छ ।

डिस्ट्रिक्ट ३२५ एम, ट्री प्लान्टेसन डिपार्टमेन्ट चिफ लक्ष्मण तिमिल्सिनाको संयोजकत्वमा २७ क्लवहरुको संयुक्त समन्वयमा सम्पन्न कार्यक्रम गण्डकी प्रदेश सभा सदस्य माननीय प्रकाश बराल, डिस्ट्रिक्ट ३२५ एमका प्रथम उपाध्यक्ष चण्डी प्रसाद अर्यालको बिशेष उपस्थितिमा सम्पन्न भएको हो ।

कार्यक्रममा २ ट्रक मल ,२० वोरा जुतो र कुखुराको मल बिरुवामा राखी गोडमेल गर्नुको साथै कृषि औजार पार्क व्यवस्थापन समितिलाई हस्तान्तरण गरीएको डिस्ट्रिक्ट एडमिनिस्ट्रेटर किशोर बरालले जानकारी दिनुभयाे ।

लायन्स क्लवले एभोकार्ड़ो ६० वटा ,बेलाउती ४० वटा ,टिमुर ४० वटा फूलहरुका विरुवा ४० ,र अन्य विरुवा २० गरी २०० विरुवा आज सारेको हो भने पार्क व्यवस्थापन समितिको माग वमोजिम अन्य बिरुवा उपलब्ध गराउने भएको हो ।

कार्यक्रममा डिस्ट्रिक्ट एडमिनिस्ट्रेटर किशोर बराल, कोचिफ एडभाइजर दामु अधिकारी, कोचिफ एडभाइजर शिवराज आचार्य, पढाउ अभियान चिफ पुस्पा आचार्य, जीएलटी कोअर्डिनेटर डोलराज पोखरेल, रास्ट्रीय बिभुति तथा सहिद पार्क समितिका अध्यक्ष भरत बहादुर थापा, लोक दोहोरी गायक पुरुषोत्तम न्यौपाने, भृकुटी आमा समुह ग्यारजती को अध्यक्ष मनु भण्डारी लगाएत विभागीय प्रमुख,रिजन र जोन चियर पर्सन, क्लवका पदाधिकारीहरुको उलेख्य संख्यामा उपस्थिति रहेको थियो । कार्यक्रमको स्थानीय संयोजन लायन्स क्लव अफ पोखरा डेस्टिनेशनले गरेको थियो ।

लायन्स क्लववृक्षारोपण

प्रकाशित मिति: आइतवार, असार २४, २०८०, १०:२२ बिहान

लेखक: समाचारपाटी