मलेसियाले ६६ औं स्वतन्त्रता दिवस मनाएको छ । बिहीवार देश स्वतन्त्र भएको ६६ औं वर्षको अवसरमा विभिन्न कार्यक्रम आयोजना गरी मनाएको हो । बुधवार मध्यरातपछि हजारौँ मलेसियालीहरु देशभक्त गीतहरु र अन्य गतिविधिहरु गरेर ६६ औं वर्षदिन मनाएका थिए ।

बिहीवार बिहान पुत्रजयाको प्रशासनिक केन्द्रमा राजा सुल्तान अब्दुल्लाह सुल्तान अहमद शाहको निरीक्षणमा परेड उत्सव समापन भएको थियो । मलेसियाका राजासँगै प्रधनमन्त्री अनवर इब्राहिम,मन्त्रीपरिषद्का सदस्यहरु र अन्य अधिकारीका साथै हजारौँ सैनिक, नागरिकहरु उपस्थित थिए । जनतालाई सम्बोधन गर्दै राजा सुल्तानले दक्षिणपूर्वी एशियाली देशको सद्भाव र कल्याणका लागि एकता महत्वपूर्ण भएको बताउनु भयो । अगस्ट ३१, १९५७ मा तत्कालीन मलाया संघले ब्रिटिस शासनबाट स्वतन्तत्रा पाएको थियो । 
सिन्ह्वा

मलेसियास्वतन्त्रता दिवस

प्रकाशित मिति: शुक्रबार, भदौ १५, २०८०, ३:२८ बेलुका

लेखक: समाचारपाटी