काठमाडौं । राष्ट्रपति रामचन्द्र पौडेले प्रमाणीकरण गरेको नागरिकता विधेयकविरुद्धको रिट न्यायाधीश कुमार रेग्मी र हरिप्रसाद फुयालको इजलासमा परेको छ ।

वरिष्ठ अधिवक्ता सुरेन्द्र भण्डारीले नागरिकता विधेयक प्रमाणीकरणविरुद्ध सर्वोच्चमा रिट निवेदन दिएका थिए।

यस विषयमा छलफल गर्न आज दुबै पक्षलाई बोलाएको थियो। आज दुबै पक्षले यस विषयमाथि बहस गर्नेछन्।

यसअघि सर्वोच्च अदालतका न्यायाधीशद्वय प्रकाशमान सिंह राउत र सुष्मालता माथेमाको संयुक्त इजलासले प्रमाणीकरण भएको विधेयकको प्रतिलिपि राष्ट्रपति कार्यालयबाट झिकाउन आदेश दिएको थियो।

यस्तै, प्रधानमन्त्री तथा मन्त्रिपरिषदको कार्यालय सिंहदरबारले जेठ १२ गते विधेयक प्रमाणीकरण गराउन अनुरोध गरेको निर्णय पनि झिकाउन आदेश दिएको थियो।

नागरिकता विधेयकन्यायाधीश रिट रेग्मी र फुयालको इजलासमा

प्रकाशित मिति: मङ्लबार, जेष्ठ ३०, २०८०, १:२७ बेलुका

लेखक: समाचारपाटी