जिल्ला कास्की पोखराबाट खटिएकाे प्रहरी टाेलीले बुधबार राष्ट्रिय बाणिज्य बैक अगाडी स्कुटरको डिक्कीमा राखेको रकम चोरी गरी फरार रहेकी एक युवतीलाइ पक्राउ गरेकाे छ ।
पाेखरा महानगरपालिका वडा नं ९ पृथ्विचोक स्थित राष्ट्रिय बाणिज्य बैँक अगाडी सराङकोटका आत्मा बहादुर थापाले आफ्नो स्कुटरको डिक्कीमा राखेको रु ८०,००० (असी हजार) रकम दिउसाेकाे समयमा एक जना अपरिचित युवतीले चोरी गरी फरार भएको भन्ने सूचनाको आधारमा प्रहरीले उक्त घटनाकाे बारेमा खाेजी कार्य अगाडी बढाएकाे थियाे ।
सि आर भी पृथ्विचोक कास्कीबाट खटिगएको प्रहरी टोलीले हुलिया तथा C.C.T.V.फुटेजको आधारमा खोजतलाश गर्दा जिल्ला कास्की पोखरा महानगरपालिका वडा नं ९ शान्तिवन बस्ने वर्ष २३ वर्षिय बर्षा कामीलाई उक्त चोरी भएको रू ८००००असी हजार रकम सहित फेला पारेकाे हाे ।
युवतीलाई पक्राउ गरी सम्मानित कास्की जिल्ला अदालतबाट चोरी सम्बन्धी मुद्दामा दिन दश दिन म्याद थप गरी अनुसन्धान प्रकिया अगाडी बढाइएको छ ।