काठमाडौं । वैदेशिक रोजगारीका लागि मलेसिया पठाइने दिने भन्दै लाखौं रकम ठगी गर्ने एकजनालाई प्रहरीले पक्राउ गरेको छ। पक्राउ पर्नेमा हाल काठमाडौंको सेतोपुल बस्ने डोटी जिल्लाको शिखर नगरपालिका- २ का ३२ वर्षीय धनबहादुर बोगटी रहेका छन्।

बोगटीले कृष्णबहादुर बोगटीलाई वैदेशिक रोजगारीका लागि मलेसिया पठाइदिने बहानामा ३ लाख रुपैयाँ लिइ फरार रहेको प्रहरी अनुसन्धानबाट खुलेको छ।

प्रहरीले बोगटीलाई बिहीबार सेतोपुलबाट नियन्त्रणमा लिएको हो। थप अनुसन्धान तथा कारबाहीका लागि वैदेशिक रोजगार विभाग ताहाचाल काठमाडौं पठाएको प्रहरीले जनाएको छ।

ठगीपक्राउमलेसियावैदेशिक रोजगारी

प्रकाशित मिति: शुक्रबार, अशोज ५, २०८०, ५:२६ बेलुका

लेखक: समाचारपाटी