रुपन्देही । रुपन्देहीको कञ्चन गाउँपालिकाबाट मलामी लिएर गएको बस गैँडाकोटमा गए राती दुर्घटना हुँदा ८ जना घाइते भएका छन् ।
देवघाट मलामी लिएर गएको लु १ ख ८८४६ नम्बरको बस भुस बोकेको ट्रकसँग ठोक्किएको हो ।
गैँडाकोटको जयश्री पुल नजिकै पश्चिम तर्फ आउँदै गरेको ना ३ ख ३८६७ नम्बरको ट्रकसँग ठोक्किएको हो ।
दुर्घटनामा बसमा सवार रुपन्देही कञ्चन गाउँपालिका ३ का धनप्रसाद निउरे, टिकादेवी गौतम, धनपति सापकोटा, युवराज शर्मा लगायत घाइते भएको जिल्ला प्रहरी कार्यालय नवलपुरले जनाएको छ।
घाइते मध्ये १ जनालाई थप उपचारका लागि काठमाडौं रिफर गरिएको छ भने २ जनाको चितवन मेडिकल कलेजमा उपचार भइरहेको छ । ५ जना भने सामान्य उपचारपछि घर फिर्ता भएको चितवन मेडिकल कलेजले जनाएको छ।
कञ्चनबाट नेपाली कांग्रेसका नेता तथा साबिक रुद्रपुर गाविसका तत्कालीन सभापति देवी प्रसाद पौडेलको अन्त्येष्टिका लागि देवघाटतर्फ लगिएको थियो।