हुम्ला । हुम्लाको दक्षिण भेगमा पर्ने अदानचुली गाउँपालिका-४ मा आज भएको सवारी दुर्घटनामा परी दुई जनाको मृत्यु भएको छ। जिल्ला प्रहरी कार्यालय हुम्लाका प्रहरी नायव उपरीक्षक रवीन्द्र खनालले पाम्सा भन्ने स्थानमा भएको दुर्घटनामा पाँच जना घाइते भएको जानकारी दिनुभयाे।

सु. प. ०१००१ नम्बरको गाडी आज दिउँसो पाम्सको मोडमा दुर्घटना भएको हो। उहाँका अनुसार मृतक र घाइतेको उद्धार भइरहेको छ। दुर्घटनाबारे विस्तृत जानकारी प्राप्त नभइसकेको प्रहरीको भनाइ छ। दुर्घटनामा पर्ने सवारी स्थानीय धनमल महताराको रहेको बताइएको छ।

दुर्घटनाहुम्ला

प्रकाशित मिति: शनिबार, चैत्र १०, २०८०, ६:२८ बेलुका

लेखक: समाचारपाटी