तनहुँ । तनहुँमा ट्र्याक्टर दुर्घटनामा परि एक जनाको मृत्यु भएको छ । दुई जना घाइते भएका छन् ।
भानु नगरपालिका–२ भकुन्थोकमा रहेको डुम्रे बेसीसहर सडक खण्ड जोड्ने भित्री सडकमा बा ०३–००१ त २२६ नम्बरको ट्र्याक्टर दुर्घटना हुँदा ४० वर्षीय ईश्वर अधिकारीको मृत्यु भएको हो । दुर्घटनामा घाइते भएका उहाँको उपचारका क्रममा चितवमा रहेको पुरानो मेडिकल कलेजमा ज्यान गएको हो ।
दुर्घटनामा अधिकारीका छोरा १७ वर्षीय समिर तथा ३९ वर्षीय दीपक नेपाली घाइते भएका छन् । दुवैको पुरानो मेडिकल कलेजमै उपचार भइरहेको छ ।