काठमाडौं । धादिङमा हत्याको कसुरमा जन्मकैद सुनाइएका फरार व्यक्ति २१ वर्षपछि पक्राउ परेका छन् । पक्राउ पर्नेमा धादिङ ज्वालामुदी गाउँपालिका १ का सुर्य बहादुर दवाडी रहेका छन् ।

उनी भारतमा लुकी छिपी बसेको र हाल नेपालमा आउँदै गरेको भन्ने खबरको आधारमा केन्द्रीय अनुसन्धानको टोलीले सोमबार रूपन्देही, सिद्धार्थनगर नगरपालिका वडा १, बेलहियाबाट पक्राउ गरेको हो ।

उनले अंश सम्बन्धी विषयमा झगडा भई श्रीमती सानुमाया दवाडीलाई कुटपिट गरी नाम्लोले घाँटीमा कसि रुखमा झुण्डाई हत्या गरी मृतक लासलाई बुढी गण्डकीको दोभानमा लगि जलाई सतगद गरेको कसुरमा प्रहरीले उनलाई पक्राउ गरेको हो ।

धादिङ जिल्ला अदालतको मिति २०६१र०२र०५ गतेको फैसलाअनुसार उनलाई जन्मकैद ठहर भएको थियो । उनलाई थप कारवाहीको लागि जिल्ला अदालत धदिङ बुझाएको प्रवक्ता तथा सूचना अधिकारी नवराज अधिकारीले जानकारी दिए ।

जन्मकैदफरार प्रतिवादी २१ वर्षपछि पक्राउ

प्रकाशित मिति: मङ्लबार, माघ २, २०८०, ३:१३ बेलुका

लेखक: समाचारपाटी