काठमाडौं । भारती शेर्पा ९मानन्धर०ले अनशनलाई दोस्रो दिन जारी राख्नुभएकाे छ। श्रीमान चेतन मानन्धरलाई न्यायको माग गर्दै बुधबारदेखि भारतीले काठमाडौंको माइतीघरमा अनशन थाल्नुभएकाे हाे। श्रीमान‍्का हत्यारा गुण्डा नाइके रिगल भनिने योगराज ढकाललाई आममाफी दिने सरकारको निर्णयविरुद्ध भारतीले अनशन थाल्नुभएकाे हाे।

संविधान दिवसको अवसर पारेर पुष्पकमल दाहाल 'प्रचण्ड' नेतृत्वको मन्त्रिपरिषद्को सिफारिसमा राष्ट्रपति रामचन्द्र पौडेलले ढकालसहित ६ सय ७० जनालाई आममाफी दिएको थियाे।

भारतीले रिगललाई कैद सजाय मिनाह दिने राष्ट्रपतिको निर्णयविरुद्ध आइतबार सर्वोच्च अदालतमा रिट समेत दिनभएकाे छ।

रिटमाथि सुनुवाइका सोमबार र मंगलबार पेशी तोकिएपनि हेर्न नभ्याइने सूचीमा राखिएको थियो। बुधबार अनशनस्थलबाटै सर्वोच्च पुगकी भारती तारेख बुझेर फर्किने क्रममा अदालत परिसरमै ढल्नुभएकाे थियाे। त्यसपछि उहाँलाई वीर अस्पताल लगिएको थियो। उपचारपछि आज उहाँले फेरि अनशन थाल्नुभएकाे हाे।

रिगलद्वारा खुँडा प्रहार गरी २९ असार २०७२ सालमा भारतीका श्रीमान् २९ वर्षीय चेतन मानन्धरको हत्या भएकाे थियाे। त्यसपछि कर्तव्य ज्यान मुद्दामा रिगललाई बाँके जिल्ला अदालतले २०७५ वैशाखमा सर्वस्वसहित जन्मकैदको सजाय सुनाएको थियो। भारतीले न्याय नपाएसम्म घर नफर्कने अडान लिनुभएकाे छ।

अनशनभारती मानन्धर

प्रकाशित मिति: बिहिबार, अशोज १८, २०८०, १:०७ बेलुका

लेखक: समाचारपाटी