बागमती । शिक्षा सेवी तथा वरिष्ठ साहित्यकार तुल्सी थापाको निधन भएको छ ।  मकवानपुरका ७८ वर्षीय थापाको उपचारका क्रममा आज चितवनस्थित पुरानो मेडिकल कलेजमा निधन भएको हो।  

थापा लामो समयदेखि मुटुसम्बन्धी समस्या, निमोनिया, मधुमेह, रक्तचापलगायत समस्याबाट पीडित हुनुहुन्थ्याे । साहित्यकार थापालाइ केही महिनादेखि अस्पताल भर्ना गरिएको थियो।

थापाका दाना कविता सङ्ग्रह ‘एक निमेष अनन्तको’,नाटक ‘अमर सिंहको खोजीमा अमर सिंह’ र कथासंग्रह ‘फरक आकाश’ लगायत साहित्यिक सिर्जना प्रकाशित छन्। 

गोरखा दक्षिण बाहु चौथो, नारायणी वाङ्मय पुरस्कारसहित विभिन्न सम्मान प्राप्त गर्नुभएकाे थापा भीम विराग सङ्गीत, साहित्य,कला प्रतिष्ठानका पूर्वअध्यक्षसमेत हुनुहुन्छ । थापाको आजै अन्त्येष्टि गरिने परिवारले जनाएको छ।

निधनसाहित्यकार तुल्सी थापा

प्रकाशित मिति: शुक्रबार, भदौ ८, २०८०, २:२० बेलुका

लेखक: समाचारपाटी