पोखरा । साहित्यकार लक्ष्मण थापालाई नवनीत साहित्य सागरले शुक्रबार आफ्नो नियमित काव्य वाचन तथा श्रवण कार्यक्रमका २३८ औं श्रृङ्खलामा सम्मान गरेको छ ।

कार्यक्रमका प्रमुख अतिथि प्राज्ञ वरिष्ठ साहित्यकार सरुभक्तले सम्मान पत्र, दोसल्लाले उहाँलाई सम्मान गर्नुभएकाे थियाे । विद्यालय व्यवस्थापन समितिका अध्यक्ष कृष्णप्रसाद लम्सालले अविर लगाएर सम्मान गर्नुभएकाे थियाे ।

छोरेपाटन माविको सभाहलमा भएको कार्यक्रममा विभिन्न साहित्यिक संस्थाका अध्यक्ष, प्रतिनिधि, शिक्षक, विद्यार्थीहरुले पुष्पगुच्छा प्रदान गरी वधाई दिएका थिए ।

साहित्यकार थापा नवनीत साहित्य सागरका संस्थापक अध्यक्ष हुनुहुन्छ । साथै सोही विद्यालयका पुर्व प्रधानाध्यापक हुनुहुन्छ । शिक्षण पेशा संगै साहित्यको विकासमा उहाँले गरेको योगदानको उच्च मुल्याङ्कन गर्दै संस्थाले सम्मान गरेको हो ।

सो अवसरमा संस्थाका अध्यक्ष तथा विद्यालयका प्रधानाध्यापक डिल्लिराम शर्माको अध्यक्षतामा भएको कार्यक्रममा उपाध्यक्ष मेघनाथ पौडेलले स्वागत र कार्यक्रम संचालन सचिव सीता बरालले गर्नुभएकाे थियाे भने सम्मानित ब्यक्तिको परिचय लक्ष्मी देबकोटाले दिनुभएकाे थियाे ।

सम्मानसाहित्यकार लक्ष्मण थापा

प्रकाशित मिति: शनिबार, माघ २८, २०७९, १०:०२ बिहान

लेखक: समाचारपाटी