पोखरा ४ गैह्रापाटनमा रहेको नेलम्बो नेपालले यही वैशाख २० आज विश्व प्रेस स्वतन्त्रता दिवसको उपलक्ष्यमा नेपाल पत्रकार महासंघ कास्कीमा आवद्ध सञ्चारकर्मीहरुलाई निःशुल्क दन्त शिविर सञ्चालन गर्ने भएको छ ।

उक्त संस्थाले महासंघसँग समन्वय गरेर सञ्चारकर्मीहरुको मुख स्वास्थ्यलाई मध्यनजर राखी दन्त शिविर सञ्चालन गर्न लागेको हो । नेपाल पत्रकार महासंघ कास्कीको प्राङ्गणमा हुने दन्त शिविरमा दन्त परीक्षण, दाँतको एक्सरे दाँत निकाल्ने, दाँत सफा गर्ने, दाँतको जरै देखि उपचार, गिजाको उपचार र औषधी वितरण जस्ता सेवाहरु रहेको छ । उक्त शिविर विहान ठीक आठ बजे देखि सञ्चालन हुने भएको छ ।

शिविरमा दन्त चिकित्सक डा. सिजन मसार्नी, दन्त चिकित्सा सहायक करुणा गर्बुजा, अञ्जु वि.क. कार्यक्रम संयोजक भीम प्रसाद भण्डारी, किल्नीकल सहयोगी रितिक चुवाई, फिल्ड एडमिन सहयोगी नम्रता ढुङ्गाना, प्राविधिक सुपरभाईजर रुपेश गुरुङ्ग र मुक्त बहादुर माल गरी ८ जनाको टोली उक्त शिविरमा संलग्न रहने छ । उक्त शिविरमा सम्पूर्ण सञ्चार कर्मीहरुलाई उपस्थित भई उपचार लिन समेत आग्रह गरिएको छ । उक्त शिविरमा जरैदेखि उपचार गराईएका विरामीहरुलाई आवश्यकताका आधारमा पूनः उपचार फलोअपको पनि व्यवस्थापन मिलाईएको नेलम्बो नेपालका कार्यक्रम संयोजक भीम प्रसाद भण्डारीले बताउनु भयो ।

निःशुल्क दन्त शिविरनेलम्बो नेपालविश्व प्रेस स्वतन्त्रता दिवस

प्रकाशित मिति: बुधबार, बैशाख २०, २०८०, ८:०७ बिहान

लेखक: समाचारपाटी