काठमाडौं I १९ वर्षमुनिको महिला एशिया कप क्रिकेटमा नेपालले पाकिस्तानलाई ६ विकेटले हराउँदै विजयी यात्रा सुरु गरेको छ।

मलेसियाको क्वालालम्पुरमा भएको खेलमा पाकिस्तानले दिएको १०५ रनको लक्ष्य नेपालले १९ ओभरमा ४ विकेट गुमाएर पूरा गर्‍यो। कप्तान पूजा महतोले उत्कृष्ट प्रदर्शन गर्दै नटआउट ४७ रन बनाइन्।

टस जितेर ब्याटिङ गरेको पाकिस्तानले २० ओभरमा ५ विकेट गुमाउँदै १०४ रन बनाएको थियो। पाकिस्तानका लागि कोमल खानले ३८ रन बनाइन्, भने नेपालकी पूजा महतोले बलिङमा पनि योगदान गर्दै २ विकेट लिइन्।

यस जितसँगै नेपाल ‘सुपर–४’ मा प्रवेश गरिसकेको छ। पाकिस्तान लगातार दुई खेलमा पराजित भएसँगै समूह चरणबाट बाहिरिएको छ। नेपालले अब समूह 'ए' को अन्तिम खेल भोलि भारतसँग खेल्नेछ।

समूह 'बी' मा श्रीलङ्का, बङ्गलादेश, र आयोजक मलेसिया रहेका छन्।

पाकिस्तान पराजितमहिला यू–१९ एशिया कपमहिला यू–१९ एशिया कपमा नेपालको विजयी सुरुआत

प्रकाशित मिति: सोमवार, पुस १, २०८१, ३:३७ बेलुका

लेखक: समाचारपाटी